Եվս մեկ անգամ հետադարձ հայացք ձգեք մեր կազմակերպության տասնհինգամյա գործունեությանը, որը լի է բազմաբնույթ հայրենասիրական, ռազմահայրենասիրական միջոցառումներով և կհամոզվեք, որ այդ ամենն արվել է ձեր և ձեր ընտանիքների համար, հայրենի պետականությունն ավելի հզորացնելու համար:
Երբեք չկորցնե՛ք ձեր հավատն Աստծո հանդեպ, ձեր ծնողների, ձեր նախնիների, հայոց պետականության հանդեպ:
Ճանաչելով, հավատալով, վստահելով «Հայոց Արծիվներին»՝ դուք կճանաչեք ինքներդ ձեզ, ինքնավստահ կդառնաք, այնժամ դուք կլինեք անհաղթելի, և, ապրելով ազգային-պետական-հայրենասիրական գաղափարախոսությամբ, առաջնորդվելով «Հայոց պետականություն, ազգային բանակ, հայոց առաջնորդ» եռամիասնության արժեքային համակարգով, յուրաքանչյուրդ պարտավոր եք նաև հասարակական հիմունքներով ներդրում ունենալ հայոց պետականության անընդհատ զարգացման, հայոց ազգային բանակի անընդհատ հզորացման մեջ:
Համախմբվելով միասնության տանիքի՝ «Հայոց պետականության, ազգային բանակի, հայոց առաջնորդի» շուրջը, ապրելով ինքնաճանաչողությամբ՝ այսօր, առավել քան երբևէ, դուք կլինեք ավելի ուժեղ, ավելի հզոր և ավելի միասնական:
Այսօրվա հայ մարդը պետք է առաջնորդվի մեծ և հզոր, քրիստոնյա Հայաստան կառուցելու գաղափարով, ինչի համար էլ պետք է լինի հայրենատեր, օրինապաշտ, աշխատասեր, պատասխանատու և հավատք ունեցող քաղաքացի:
Հայն ունի երկու հավատք՝ Աստված և Հայաստան, ու թո՛ղ Աստված և Հայաստանը միշտ լինեն ձեր արյան մեջ, ձեր սրտերում և ուղեղներում:
Աստված պահպանի ձեզ և ձեր ընտանիքներին։
Աստված պահպանի Հայաստանին, Արցախին, սփյուռքին և հայոց սուրբ հողը։